Кобра могойны хамгийн алдартай нь Наж юм. Наж могой нь азийн орнуудад их тархмал суурьшдаг бөгөөд хар кобра тэдний хамгийн хортой нь гэлцдэг. Та энэ могойтой тааралдвал гол нь сандарч болохгүй. Огцом хөдөлгөөн тэднийг өөрсдийгөө хамгаал гэж байгалиас заяасан хортой шүлсээрээ таныг хатгахад хүргэнэ. Та нэгэнтээ хатгуулсан бол 6-12 цагийн дараа үхэлд хүрэх аюултай. Жил бүр Энэтхэг улсын Бишнупур хотод нэгэн сонирхолтой олныг хамарсан арга хэмжээ болдог нь Кобра могойны ёслол юм. Энэтхэгчүүд энэ өдөр бүгдээрээ хотын гудамжинд цугларч кобраг хэрхэн гоёж чимэглэж, хөгжмийн аяанд бүжиглэхийг нь үздэг ажээ. Та тэднийг бүжиглэж байна гэж бүү бодоорой. Учир нь могой бол сонсож чаддаггүй амьтан. Энэ бол могойны байгалиас заяасан рефлекс гэж хэлж болно. Харанхуй савнаас гэрэлд гарч ирэхэд тэдний нүд нь бүрэлзсэн байдаг учраас яахаа мэдэхгүй найгаж байгаа нь бидэнд хөгжмийн аяанд бүжиглэж байгаа мэт харагддаг гэнэ шүү.